شقة طابق ثالث مساحة 148م للبيع في عمان - أبو نصير على شارع الاردن

نظرة عامة

شقة للبيع مطلة على شارع الاردن
الشقة طابق ثالث في عمارة مع مصعد وكراج
الشقة مركوبة وفوقها كمان طابق يعني ما بتتأثر برطوبة السطح أو المطر.

البناية عمرها 18 سنة والشقق فيها 18 شقة والجيران محترمين وكل واحد في حاله

الحمد لله صيانة الشقة كانت أول بأول
جميع شبابيك الواجهات زجاج مزدوج ومقطع خاص يعني عزل صوت وهواء ممتاز زائد مركب لها اباجورات
جميع الشبابيك والبلكونة مركب لهم حديد حماية

التهوية في الشقة ممتازة والضوء يدخلها طول اليوم
الشمس تدخل غرف النوم الصبح لغاية الساعة 10 وبعد الظهر تدخل المطبخ وغرفة المعيشة.
الشقة كاشفة وغير ومكشوفة ومع هيك الشبابيك على الجيران مغشية

مساحة الشقة من الداخل 148 م2 مستغلة بالكامل و لا يوجد مساحة ضائعة. غرف نوم الاطفال تقريبا 3.6 متر في 3.8 متر غرفة نوم الماستر واسعة تقريبا 4 متر في 5 متر.

الشقة لها على السطح خزانين مي كل واحد 2 م.
المي توصل السطح بدون حاجة لمضخة . والضخ للمنطقة من مساء الخميس لصباح الأحد
تم تبديل جميع قواطع واباريز الكهرباء في الشقة بأحسن نوعية موجودة في السوق.

المنطقة قريب منها كل شيء تقريبا. مش بحاجة تبعد حتى تشتري احتياجات البيت أو مواد البناء أو الصيدليات ويوجد عيادات طب عام وأطفال قريبة ومختبرات طبية ومخبز عادي ومخبز طابون ومطعم حمص وفلافل وحديقة عامة وأسواق شونيز. و الشقة قريب منها مدرسة خاصة ومدارس حكومية ممكن توصلهم مشي.

الشقة على شارع موازي لشارع الأردن باتجاه مستشفى الرشيد وقرية ابو نصير والبقعة. فقريب منها 4 مساجد وكنيسة وكازية ومحلات تصليح سيارات وبودي وكهرباء وحداد ونجار وممكن توصلهم مشي كمان.

مكان الشقة استراتيجي للناس الذين لهم سفر متكرر باتجاه جرش واربد والشمال. خلال دقيقة يكونوا على شارع الأردن ويغادروا عمان والرجعة للبيت من الشمال كمان سريعة ومش بحاجة تدخل أزمة عمان.